သိပ္ပံနှင့်နည်းပညာဝန်ကြီးဌာန၊ သုတေသနနှင့်တီထွင်ဆန်းသစ်မှုဦးစီးဌာန၊ အမျိုးသား စံချိန်စံညွှန်းနှင့်အရည်အသွေးဌာန၊ တိကျစွာတိုင်းတာခြင်းနည်းပညာသိပ္ပံ(မြန်မာ)မှ ကြီးမှူး၍ တရုတ်-မြန်မာ ပူးပေါင်းဆောင်ရွက်သည့် တိကျစွာတိုင်းတာခြင်းနည်းပညာဆွေးနွေးပွဲ (China-Myanmar Cooperation Symposium on Metrology) ဖွင့်ပွဲအခမ်းအနားကို ၂၀၂၃ ခုနှစ်၊ စက်တင်ဘာလ(၂၁) ရက်နေ့တွင် Melia Hotel ရန်ကုန်မြို့၌ ကျင်းပခဲ့ရာ သိပ္ပံနှင့်နည်းပညာ ဝန်ကြီးဌာန၊ ပြည်ထောင်စုဝန်ကြီး၊ ဒေါက်တာမျိုးသိန်းကျော်က တက်ရောက်၍ အဖွင့်မိန့်ခွန်း ပြောကြားခဲ့ပါသည်။ 

အဆိုပါဖွင့်ပွဲအခမ်းအနားတွင် သိပ္ပံနှင့်နည်းပညာဝန်ကြီးဌာန၊အမြဲတမ်းအတွင်းဝန်၊  UMFCCI ဒုတိယဥက္ကဌ၊ညွှန်ကြားရေးမှူးချုပ်၊သုတေသနနှင့်တီထွင်ဆန်းသစ်မှုဦးစီးဌာန၊တိကျစွာတိုင်း တာခြင်းနည်းပညာသိပ္ပံ(တရုတ်)နှင့်တိကျစွာတိုင်းတာခြင်းနည်းပညာသိပ္ပံ(ကွမ်ရှီး)မှ ကျွမ်းကျင် ပညာရှင်များ၊ ဝန်ကြီးဌာနများမှကိုယ်စားလှယ်များ၊ စက်ရုံအလုပ်ရုံများမှ ကိုယ်စားလှယ်များနှင့် ဖိတ်ကြားထားသည့် ဧည့်သည်တော်များတက် ရောက်ခဲ့ ကြပါသည်။

စက်မှုကုန်ထုတ်လုပ်ငန်းများတွင် တိကျစွာတိုင်းတာခြင်းနည်းပညာ၏ အရေးပါမှုများကို သိရှိရန်၊ တိကျစွာတိုင်းတာခြင်းနည်းပညာသိပ္ပံ(မြန်မာ)၏ ဝန်ဆောင်မှုများကို သိရှိနိုင်ရန်၊ စက်မှု ကုန်ထုတ်လုပ်ငန်းများတွင်စံတိုင်းတာမှုဆိုင်ရာလိုအပ်ချက်များကိုတင်ပြဆွေးနွေးနိုင်ရန်နှင့်ဒေသ တွင်းနိုင်ငံများနှင့်ပူးပေါင်းဆောင်ရွက်တိုးမြှင့်ဆောင်ရွက်နိုင်ရန်ရည်ရွယ်၍ တိကျစွာတိုင်းတာ ခြင်းနည်းပညာသိပ္ပံ(တရုတ်)နှင့် တိကျစွာတိုင်းတာခြင်းနည်းပညာသိပ္ပံ(မြန်မာ)တို့ ပူးပေါင်းပြီး အသိပညာပေးဆွေးနွေးပွဲအား ၂၀၂၃ ခုနှစ်၊ စက်တင်ဘာလ (၂၁) ရက်နေ့မှ (၂၂)ရက်နေ့ အထိ (၂) ရက်ကြာကျင်းပခဲ့ပါသည်။ 

အဆိုပါဆွေးနွေးပွဲတွင် မြန်မာကိုယ်စားလှယ်များမှ မြန်မာနိုင်ငံ၏အမျိုးသားအဆင့် အရည်အသွေးဆိုင်ရာအခြေခံအဆောက်အအုံ နှင့် တိကျစွာတိုင်းတာခြင်းနည်းပညာသိပ္ပံ (မြန်မာ)၏ လုပ်ငန်းများကို အသိပညာပေးဆွေးနွေးခြင်း၊ တရုတ်ကျွမ်းကျင်ပညာရှင်များမှ မြန်မာ-တရုတ်ပူးတွဲသုတေသနလုပ်ငန်းများ၊ အလျားတိုင်းတာဆိုင်ရာ တိကျစွာတိုင်းတာခြင်း နည်းပညာ(Dimensional Metrolog) ၊ အပူချိန်တိုင်းတာခြင်းဆိုင်ရာတိကျစွာတိုင်းတာခြင်း နည်းပညာ(Temperature Metrology)ကို အသိပညာပေးဆွေးနွေးခြင်းနှင့် လုပ်ငန်းရှင်များမှ စက်မှုကုန်ထုတ်လုပ်ငန်းများအတွက် တိုင်းတာခြင်းဆိုင်ရာလိုအပ်ချက်များကို ဆွေးနွေးတင်ပြခဲ့ ပါသည်။ ထို့နောက် တိကျစွာတိုင်းတာခြင်းနည်းပညာဖြင့် စက်မှုလက်မှုလုပ်ငန်းများသို့ ပံ့ပိုးနိုင်မည့် နည်းလမ်းများခေါင်းစဉ်ဖြင့် Stakeholder များနှင့်ဆွေးနွေးခဲ့ကြပါသည်။

သိပ္ပံနှင့်နည်းပညာဝန်ကြီးဒေါက်တာမျိုးသိန်းကျော်မှအဖွင့်အမှာစကားပြောကြားနေပုံ

သုတေသနှင့်တီထွင်ဆန်သစ်မှုဉီးစီးဌာနညွှန်းကြားမှူးချုပ်ဒေါက်တာဖြူဖြူဝင်းမှအဖွင့်အမှာစကားပြောကြားနေပုံ

နည်းပညာဆွေးနွေးပွဲသို့တက်ရောက်လာသောဧည့်သည်တော်များနှင့်အမှတ်တရစုပေါင်းဓာတ်ပုံ

တိကျတိုင်းတာမှုနည်းပညာဆိုင်ရာလုပ်ငန်းစဉ်များအားစာတမ်းရှင်များမှဆွေးနွေးတင်ပြနေပုံ

တိကျတိုင်းတာမှုနည်းပညာဆိုင်ရာလုပ်ငန်းစဉ်များအားစာတမ်းရှင်များမှဆွေးနွေးတင်ပြနေပုံ